كتب المركز السوداني للخدمات الصحفية – التابع لمخابرات حزب البشير والممول من خزينة السودان :
بعث الوفد الحكومي لمفاوضات الدوحة بشكوى رسمية للوساطة المشتركة حول السلوك الهمجي والذي بادرت به إحدى النساء المرافقات لوفد حركة التحرير والعدالة والتي تسمى بــ(أم الجيش).
ونفى الدكتور عمر أحمد آدم رحمة المتحدث الرسمي للوفد الحكومي ما ورد بوسائل الإعلام حول اشتباكات بالأيدي بالمفاوضات وقال إن الذي حدث هو ان لجنة التفاوض في ملف النازحين فوجئت بإمرأة تدخل إلى قاعة الاجتماع وتقوم بسحب المقعد الذي يجلس به رئيس الجانب الحكومي مما تسبب في سقوطه على ظهره وقد سارعت المذكورة بالخروج من القاعة، موضحاً أن الوفد الحكومي تقدم بشكوى رسمية للوساطة حول هذا المسلك الذي وصفه بالهمجي لإتخاذ ما يلزم ويمنع تكرار مثل هذه السلوكيات.
وأكد د. عمر أن التفاوض تم استئنافه بصورة طبيعية ولم يتأثر بالحادثة إطلاقاً ولم تعلق الجلسة مشاوراتها مبيناً أن موضوع التعويضات لم يكن أصلاً مطروحاً في أجندة النقاش داخل اللجنة المجتمعة مبيناً أن اللجنة التي كانت مجتمعة قد ناقشت الكثير من القضايا الخاصة بها بعضها حدث فيه اتفاق وآخر محل نظر والتفاوض مازال مستمراً وأضاف قائلاً: (لم يحدث أي اشتباك بالأيدي كما ورد بوسائل الإعلام وهذا حديث لا أساس له من الصحة).
الدوحة (smc)
ما تكذبوا الزول ده انضرب ضرب غرائب الابل واتخنق كمان خلوا دجل الكيزان
قال وقع من كرسي قال ..
صحيح الزول دقتو أم الجيش عافي منك
انتو يا كيزان لاعبين لعبة الكراسي
شنو يعني وقع من الكرسي مفاوضات ولا مهرجان القصة ؟
دقته أم الجيش دق عيش ,,,,,,,,, يستاهل ,,,,,, لانو أساء لأهل دارفور
خليها تكسره ,,,,,,, و تدشدش عظامه
ههههههههههههههههههههههههههههه
عافي منك يا ام الجيش—-ديل ضاربين المكيفات دي والراحات في الخرطوم——انت جايه من الحاره دغري علي الدوحه—–عضلات تبش—سيقان كمر—-
والله الخايب دا—تاني لي جني جناهو ما يقدر يفتح خشمو—اختشي يا راجل تدقك مره—
مرة والرجال ورا ياريب كان وقع على وشوا وكسر سنونوا
وقعتك من الكرسي .!!!
خلاص حنكلم ليها امها ….عشان تدقها خلاص ..يلا معليش ما تبكي كويس ..شاااااطر .
تمام يا ام الجيش ما تدينا زيارة في الخرطوم عشان تطقطقي لينا ناس تور نافخ
والزول بتاع الكرتة دال وكمال عبيط والنعجة ام ضنب وباقي الجماعة …
شغلك نضيف والله انت ارجل من مية راجل ..
أخخخخخخخخخخخخخخخخخخخخخخخ
يا كيزان قولوا الحقيقة و لو مرة واحدة فى حياتكم
و الشئ المحير ليه ام الجيش تجر الكرسى بدون سبب؟
يا اخى الاعتراف بالذنب فضيلة قولو ام الجيش دقتنا ما هو عيب
العيب ان راجل كبير زيك بكضب !! الحقيقة غائبة فى الموضوع
مصيرنا نعرف الحقيقة مادام هناك شكوى
اقتباس: (بعث الوفد الحكومي لمفاوضات الدوحة بشكوى رسمية للوساطة المشتركة حول السلوك الهمجي والذي بادرت به إحدى النساء المرافقات لوفد حركة التحرير والعدالة والتي تسمى بــ(أم الجيش).)
هههههههههههههههههههههههههه وتاني ههههههههههههههههههههههههههههاااااااا
عافيت منك ورضيت منك يااختي ام الجيش:cool:
يعني لو الموضوع فيهو كف كفين من أم الجيش لعمر هارون
ح يفسرها مركز مخابرات حزب البشير:
أن يد المدعوة أم الجيش إصتدمت بخد عمر هارون عرضاً
وأن وقوع عضو الوفد الحكومي المفاوض لم يكن من هول الصفعة بل كان من بسبب سحب المقعد الذي كان يجلس عليه
ندين ونشجب كل من المحاولات الرامية لتفسير الأمر بدقة مرأة لأحد رجال وفدنا المفاوض
😀 😀 😀 😀
( ونفى الدكتور عمر أحمد آدم رحمة المتحدث الرسمي للوفد الحكومي ما ورد بوسائل الإعلام حول اشتباكات بالأيدي بالمفاوضات وقال إن الذي حدث هو ان لجنة التفاوض في ملف النازحين فوجئت بإمرأة تدخل إلى قاعة الاجتماع وتقوم بسحب المقعد الذي يجلس به رئيس الجانب الحكومي مما تسبب في سقوطه على ظهره وقد سارعت المذكورة بالخروج من القاعة، )
لايمل هؤلاء النعاج من افتراض الغباء في المواطن السوداني كيف لشخص ليس من الوفد المفاوض ان يدخل قاعة الاجتماع اليس هناك حراسه علي الباب ؟ فإذا لم تكن هناك حراسه فهذه مصيبه واذا كان هناك واستطاعت الدخول فتلك مصيبة اكبر
ملاسنات واشتباكات في مفاوضات الدوحة ..
الدوحة:هبة محمود
آخر لحظة
شهدت قاعة الاجتماعات بمقر المفاوضات في الدوحة امس اثناء جلسة لجنة السلطة والوضع الإداري ملاسنات بين الوفد الحكومي ووفد حركة التحرير والعدالة وقال الأستاذ إسماعيل رحمة رئيس لجنة السلطة بحركة التحرير أن أعضاء الوفد الحكومي برئاسة اللواء عبدالله صافي النور أثناء المداولات كانوا يستمعون فقط دون تعليق او بداء الرأى والمقترحات مما جعل وفد الحركة يشكك فى مدى التفويض الممنوح لهم وكانت اجتماعات لجنة التعويضات شهدت اشتباك بالأيدي بين وفد الحكومة والحركة وقال شاهد عيان أن د.عمر هارون رئيس لجنة التعويضات من الجانب الحكومي قال (ان الحكومة ليس لها امكانيات لتعوض المتضررين فقامت القيادية البارزة بحركة بحركة التحرير والعدالة ام الجيش بضربه حتى تدخل الحاضرين)
الأربعاء, 13 أكتوبر 2010 08:57
عز الحريم وليان
\\"أن الوفد الحكومي تقدم بشكوى رسمية للوساطة \\"
و انحنا شكناكم لله
ام جيش ترمى التيس
و التيس يتقدم بشكوى للوساطه
الوساطه تقول ليه كده يا ام الجيش
ام الجيش فى اخر انبساطه و تقول بصراحه واحد تيس ووساخه رميتو عشان نضبحوهو و نعملوهو كرامه عشان المفاوضات تنجح . و تعهدت الوساطه بتوفير العيش لهذا التيس .و طالبت ام الجيش بمزيد من العيش لبقية التيوس.
كما قال ياي جوزيف هؤلا يتبولون بافواههم استمروا الكذب والنفاق بين وبينكم كدا كلام الكيزان دا صاح لان المفاوضات الجاريه الان لعبه كراسي وام الجيش دايرا كرسيها من هسع وماف كرسي غير حق هارون دا عفيت منك شلتي كرسيك عقبال باقي الكراسي ناس مني اتخارجوا الي الميدان بعد ان ضاقت الكراسي وناس العدل والمساواه وحركه تحرير السودان عبدالواحد في الميدان يعني ياكيزان تاني ماف مفاوضات سلموا ومابتسلموا
انتو نفسكم تكون ضربتوا لكن ما اظن ياناس هي سايبه ولا سايبه ولا الدنيا مهذله اصلو:eek:
أم الجيش أصيلا لكن كان كسرتى ليه ضهره وتحرميه من الكرسى القاعد فيه عشرين سنة كفاه يتم باقى ايامه مقعد كما أقعدو الناس عفارم عليكى فى زمن إنعدم وقل الرجال ..
طبعا مافي احد يصدق الحكومه لانها ما عودتنا لانها دايما تكذب وتحمل القوي الحارجيه المؤامرات ولكن هل البروتوكول والامن همجي زي قاعه الصداقه والله لا اذا كان الامن بالدوحه محكم يبقي ام الجيش دقت الجماعه داخل القاعه لانها اصلا موجوده
يستاهل دى مهزلة عشان الحكومة بقت تتفاوض مع اى زول شايل سلاح حتى لو كان من الرجرجه والدهماء دى مهزلة وشر البلية ما يضحك حليللك يا بعاج ديل ضيعو هيبه الدوله وضيعوا السودان
😀 😀 😀 😀 😀 يستاهل
الرجال بيجدعوا بالجزم
والنسوان بيشوتوا كف صاح
التانية حارة حارة
غايتو تاني اي اجتماعات الا يعملوها بالنت
( لجنة التفاوض في ملف النازحين فوجئت بإمرأة تدخل إلى قاعة الاجتماع وتقوم بسحب المقعد الذي يجلس به رئيس الجانب الحكومي مما تسبب في سقوطه على ظهره وقد سارعت المذكورة بالخروج من القاعة)
هو الاجتماع دى كان فى كافتريا حبيبى مفلس ولا شنو يا جماع ؟ …….. تعال كلكنى عشان اضحك زيادة عليك اللة …….. فى كرسى بجرو فى قاعة دولية يا سجم الرماد