مشروع لاحصاء وحصر السودانيين في الخارج

1. ركزوا على المهم و خلو الفارغة, قول احصيتوهم و طلعوا 5 مليون و 969 الف و 3 مغتربين و نص.
   اها دايرين تعملوا شنو؟؟
   وينا برامجكم وينا خططكم و لا كلام والسلام
   حركات الكيزان ما تخلوها

2. خلق عمل للاستمرار فى وظائفهم بالجهاز ،لأنه عملهم السابق كان جباية الخراج من المغتربين . هذه الوظيفة خلاص بحة . عشان كدا بيخلقوا فى وظيفة للاستمرار . ولوكانت ضرورية مهمة ليه ما قمتوا بيها من زمااان.
   وبعدين شوف المبررات الكاذبة ،قال : لم يكن يمكن عمل الإحصاء لأن الدول المضيفة لم تكن تقبل بذلك .
   ما دخل الدول المضيفة فى شأن داخلى لبلد آخر .

3. عاوزين تحصوا المغتربين؟ بسيطة جدا ولا عاوزة ميزانية ولا معينات اخرى. اذهبوا الى جهاز شئون المغتربين سوف تجدون كل المعلومات عن كل مغترب. نعم الاحصاء لكل المواطنين سواءا بالداخل او خارج الوطن مهمة جدا لوضع الخطط الخدمية والامن الغذائي والدوائي وفرز الموظفين من العاطلين وتحديد الميزانية الخاصة بالمرتبات وامكانية خلق وظائف جديدة لتقليل نسبة العطالة وفي النهاية تحسين الوضع الاقتصادي

4. لجان ماشة و لجان جاية و بدل سفر و اجتماعات و وظيفة جديدة في السفارات و القنصليات و استحداث دمغة احصاء و رسوم إحصاء سنوية تدفع مع تأشيرة الخروج و مئات الموظفين العطالة يعيشوا علي ضهر المغترب.
   اتقو الله و غيرو العقليات الكيزانية المتحجرة الفاسدة و الافضل الغاء الجهاز بالمرة لعدم وجود فائدة منه (بالنسبة للمغترب طبعا)

5. عاوزين يحصوهم عشان يخصوهم
   اصلا مافي فايدة، نفس حركات الكيزان، نفس المشية ونفس الوقفة

   • انتو تصحو في الناس بالخارج ولا تشوفوا بالداخل ديل الجوع طلع زينهم ديل ما خلاص هربو بالجوع ماشين تحصلوهم دايرين منهم شنو القاعدين عملتو ليهم شنو الجوع والمرض والمعاناة زادت وتفتشو في الفارغه شي حمدوك وشي حميدتي وحمدين وحمدناالله والحال في حالو والموووووت الجماعي بقي بالكوم فاشلييييين

6. نطالب بمليونيه يخرجها المغتربون يطالبوا فيها سقوط هذا الجهاز الفاسد وضرورة توزيع مهامها للجهات التى كان يتبع لها اى قسم كما كان فى الماضى والاستفادة من المباني فى أغراض مهمه وحتى لا يظلم احد كما كانوا يفعلون يجب تسليم كل موظف درداقه او ركشه حسب الدرجه الوظيفيه التى كانوا عليها خصما على إستحقاقاتهم حتى لا يظلوا عاله على الدوله!!.

التعليقات مغلقة.