قال هيثم مصطفى نجم المريخ في اتصال هاتفي مع رئيس التحرير إنه سعيد للغاية بالأجواء في المريخ والاستقبال الذي وجده وذكر أن ما حظي به من حفاوة وترحاب من جماهير المريخ وزملائه اللاعبين والجهاز الفني ومجلس الإدارة والإعلام يجعله أمام تحدٍ كبير وأفاد أنه لابد أن يعمل بجد لرد الدين لمن استقبلوه ورحّبوا به وقال: أجد نفسي محل حفاوة وتقدير من الجميع وبالطبع
سأضاعف جهدي لأكون عند حسن ظن منسوبي المريخ ومضى هيثم: منذ انتقالي إلى المريخ وحتى الآن أجد معاملة راقية وأنا سعيد جداً بما أجده واعتبر هيثم أنه أصبح جزءً من لاعبي المريخ وقال: لا ألتفت لأي شئ حالياً سوى التركيز على عملي وأدائي ولدي ثقة كبيرة في نفسي تساعدني على تحقيق ما أرغب فيه مع الفرقة الحمراء.
الصدى
انت فيك مروءة تضاعف تاني … بس تبيع وهم للوهم والدلاقين.
عيني في عينك
البرنس: ما وجدته من حفاوة وترحاب يجعلني أمام تحدٍ وسأضاعف جهدي لقيادة المريخ إلى البطولات
هنا ياعمك قيادة مافي تجلس محل يقولو ليك القيادة فارقتها فراق الجميلي لي طرفو.
قال قيادة قال دقسته ومابتلقي البقودك .
والله كلامك عن البطولات خليه احسن تتكلم ما سوف تقدمة للمريخ بعد عمرك فاق ال38 عام ( كنت جبتها من سيد البلد وعمرك 20 عام )
والحفاوة دي ما لقيتها في الهلال.. يا ناكر الجميل.. الناس كان عايز تنتحر علشانك أنت والامعة علاء الدين يوسف.. لسه أنت ما شفت حاجة بكره لما يفلقوك بعلب البيبسي والحجار.. تعرف نفسك وقدرها.. ياناكر الجميل والعرفان..
معليش يا هيثم كنت قائد عندما كنت لاعب الهلال وكنت سيدا وكنت البرنس وكنت وكنت لكن الان انت لاعب عادي زيك زي موسى الزومه وبله جابر يعني اتخيل في يوم اكون كابتنك بله جابر او موسى كشافات حليلك يا هيثم وحليل ايام العز لكن التسوي كريت تلقى في جلدها
الجماعة الهلالاب ديل حارفهم شديد انتقال هيثم للمريخ ، هيثم ولدنا وعاجبنا ، والما عاجبو يشرب من البحر أو من القلعة الحمراء يا صفراب .
راحت عليك يابرنس.البرير طلع اشطر منك وانتصر في معركته معك وانتهي من تاريخك الازرق.الان انت بلا شي.لا ازرق ولا احمر.الموسم القادم سيستغني عنك المريخ كما فعل مع ريتشارد.كان ممكن تكون اسطوره رغم عدم احرازك لبطوله خارجيه.لا يستطيع اي رئيس قادم ارجاعك للهلال جماهيره.
شوفوا الدحش مزمل ابوالقاسم يضحك كيف مع سيبا .. ارجعوا للارشيف و شوفوا كم الاساءات الوجها لهيثم لمن كان في الهلال وقارنوها مع ما يكتبه الايام دي عشان تعرفوا المخلوق دا منافق قدر شنو
إن شاءالله بعد فراقك للهلال تكون شلت النحس معاك ـ كنت سيدا وكابتن الهلال العظيم والفريق القومي الآن إن شاءالله يكون كابتنك الباشا ولا أكرم الهادي ـ حدي يمشي من العمارة للبيت الشعبي . نهيت تاريخك ياأحمق في لحظات . مع السلامة { والمثل بقول الببيعك ماتبيعو أهديهو لغيرك لانو ماعندو قيمة للبيع وعلق عليهو يافطة من ورا واكتب فيها يهدي ولا يباع يوزع مجان .
نرحب بك فى القلعه الحمراء وانت سيدا برغم كيد الكايدين
ونحن واثقين من عطاءك ولسه بى خيرك يا ســـــــــــــــــيدا
ماسوووووووووره
مافيش قيادة هنا !!!
العجب بيقول ليك : دع القيادة لنا واستمتع بالرحلة!!!
لوثت تاريخك يا البرنس يا خسارة لبسك للأزرق زمان.
الله يخزلك ويخزل المريخ في عهدك.
يا جماعة الكورة .. روقو المنغا .. اكبر اللعيبة الان في العالم ينتقلون بكل بساطة صحيح مش بالمكايدات وانما لمن يدفع افضل ,,
نرجع شوية .. ابو العائلة دا كان في زمن بعيد من الهلال للمريخ ..
الدحيش بعطمته انتقل للمريخ .. عبدو الشيخ للبيعرف عبدو الشيخ انتقل الي المريخ
لكن التاريخ يذكر الدحيش في الهلال … وعبدو في المريخ
وتدور الايام والناس تذكر هيثم عندما كان في الهلال .. ويبقى كله للتاريخ
انت كنت اكبر مشكلة فى الهلال وزول متسلط على اللاعبين
وبتلعب بتاريخك وهسى الحمد لله الفكاك من الهلال وبقيت لسه عايش فى الوهم
قال بطولات قال
انا هلالابى بالميلاد واحترم المريخ لكن بكره حاجتين الزول المحوص دا لانو منافق لكن بقول لى اخوانى الهلالاب دعوا هيثم وشانه واتركوه لخياراته التى اجبر عليها وربنا يوفقوا لكن لو كنت مكانه كان اكتفيت بتشجيع اخوانى الاعبين من المدرجات مع التراس والموج الازرق وكنت سوف ادخل الادارة فى حرج بالغ وكنت عدت للتيم مكرم صراحة غير مقبول ولا منطقى ان يكون هيثم لاعب ويكون الكابتن السعودى او الزومة او بلة جوز او حتى عمو العجب