كشفت صحيفة “الرأي العام” المملوكة لحزب البشير، معلومات مثيرة عن وزير العدل الجديد “الدكتور” ادريس ابراهيم جميل. وأكدت ان راتبه الذي يتقاضاه في وظيفته الحالية بدولة قطر يبلغ (100) الف ريال، أي ما يعادل (500) مليون جنيه سوداني.
واثار تنازل “الدكتور” ادريس ابراهيم جميل عن راتبه الخرافي من اجل الإلتحاق بموقعه كوزير لوزارة العدل في السودان، الكثير من علامات الاستغراب والاستفهام، خاصة ان مرتبه الجديد لن يتجاوز الـ(20) مليون جنيه فقط.
وذكرت الصحيفة أن “الدكتور” ادريس ابراهيم جميل قال لمقربين منه إنه سعيد بان تُتاح له الفرصة لخدمة بلاده عبر منصب وزير العدل.
وشكك ناشطون وصحافيون في درجة الدكتوارة التي حاز عليها ادريس ابراهيم جميل من الجامعة الأمريكية بلندن فى عام 2001م، مشيرين الى انها تصنّف ضمن الجامعات الفالصو التي يُطلق عليها إسم (الطواحين)، والتى يكثر وجودها فى أمريكا والدول الأوروبية، وهى عبارة عن جامعات وهمية غير معترف بها وليس لها مناهج ولا مقرات ولا هيئة تدريس ولا أية صلة بالعمل الأكاديمى، وانها مجرد مواقع إلكترونية تبيع الشهادات الجامعية المضروبة لمن يرغب.
وسبق ان طعن صحافيون في السعودية وفي قطر في صحة الشهادات الصادرة من الجامعة الأمريكية في لندن، واكدوا انها غير معترف بها. وهو ما اكدته شبكة “بي بي سي” من خلال تحقيق استقصائي برهن على ان الجامعة الأمريكية في لندن تمنح الدرجات العلمية دون ضوابط، مما جعلها عرضة للتشكيك والرفض من منصات اعلامية واكاديمية كثيرة.
لا تفتكروا كل اهل السودان همهم جمع المال بالحلال او الحرام ، فهناك رجال بمعنى الكلمة لا ياكلون مليما من الدولة او من أي احد ولا يعرفون الرشوة البتة .
ولكن المؤسف ان معظم من تداولوا السلطة واعتلوا كراسي الوزارات او الإدارات الحكومة في السودان كانوا فقراء وحينما وجدوا المال سرقوا وشبعوا لدرجة لا يتصورها البشر والدليل فقر اهل ثورة الإنقاذ قبلها وبعدها اصبحوا من اثرياء السودان وهم ومن يدور في كوكبهم ناسين عقاب الله منتظر الكل .
فوزير العدل الجديد نتمنى ان يكون فعلا وزيراً للعدل وباسطا للعدل بين الناس ونتمنى منه ان يحاسب بالقانون كل من يسلب مالا او يتلاعب بحقوق الدولة محاسبته امام الملاء وإن كان ابنه او أخيه لانه محاسب امام الله يوما وهو الآن مكلف ببسط العدل من قبل ربنا وليس من قبل اهل الإنقاذ الانجاس اكلي أموال الناس بغير حق .
فيا وزير العدل ابسط العدل بين الناس قبل ان تغادر لمقابلة رب الناس .
راتب 100 الف ريال وشهادة دكتوراه مضروبه !!!!!!!
القطريين ديل هبل ولا شنو؟؟؟؟؟؟؟؟؟؟؟؟؟؟؟؟؟
الذين عينوهو عارفين شهادتو مضروبة !ده عشان يمسكوهو من يده البتوجع و ما يقدر يعمل حاجة ، إلا ما يُملي عليه !! خاصة موضوع المحكمة الجنائية و حقوق الانسان و الفساد !!
يعني ما ممكن يجيبوا زول كويس في الوزارة أو في أي جهة مهمة !! و لا تنخدعوا!!
كل مافي الامر الرجل مهووس بالالقاب وعايز يضيف لقب وزير مع لقب دكتور.هههههه يعني زي ما دفع للقب دكتور ممكن يدفع دم قلبه وكرامته وانسانيته للقب وزير
ياخي مادام ربنا فاتح عليك مالك ومال الحرام يعني معقول الزول ده يخرب بيتو بيدر من اجل الدخول للتاريخ الإنقاذ المشئووم والشهرة بئس المكانة الاجتماعية
و
الكتراااابة ..
يعني مرتبو في الشهر نوص مرياار
يا إخوان
دعونا لا نتهم وزير العدل الجديد بتزوير الدكتوراة قبل أن نستوثق و لكن من يستطيع أن يستوثق من أي شيئ في عهد الإنقاذ و التزوير والأكاذيب هذا؟
ثم تحضرني قصة قديمة حدثت و أنا طفل صغير حيث كانت الوالدة رحمها الله تهوى تربية الدجاج في البيت و في إحدى المرات وجدت سوميتة جميلة ملونة بالأحمر و الأسود في فضلات الدجاج فاعتقدت أن دجاج أمي يلد الكنوز…..فهل يكون هذا الوزير الجديد هو السوميتة في خرا الدجاج الإنقاذي الذي يملأ سوداننا الحبيب و يقوم بمسئوليته في خدمة العدل و القانون أم أن هذا مستحيل لأن الدجاج، خاصة دجاج الإنقاذ، لا يلد الكنوز كما اعتقد ذلك الطفل الصغير؟
إدريس جميل كان زميلي في كلية القانون بجامعة الخرطوم في الثمنينات من القرن المنصرم و قد كان أحد الطلاب النوابغ المشهود لهم بالتفوق و المثابرة في التحصيل العلمي و الخلق الرفيع ..
تمنياتي له بالتوفيق
اقتباس:::
**وذكرت الصحيفة أن “الدكتور” ادريس ابراهيم جميل قال لمقربين منه إنه سعيد بان تُتاح له الفرصة لخدمة بلاده عبر منصب وزير العدل.**
اى بلاد واى سعادة
///انت ستخدم كلاب الالغاز عصابات المتامر الواطى اللاوطنى
انت ستخدم عصابات الامن والشرطة التي تغتصب وتقتل وتشرد المواطن الشريف الذى يحق لها بالدستور الربانى ان يقول رايه في كل مالايرضيه؟؟؟
///انت ستخدم اللصوص والمتحللين من مال الشعب الذى سرقوه
///انت ستخدم أبناء الوزراء ولصوص الالغاز الذين يتم القبض عليهم بالجرائم الجنائية
///انت ستخدم محمد حاتم وامثاله
أقول لهذا الوزير العدلى (((الكوز الى ان يثبت العكس)))
ستُبْدي لكَ الأيامُ ما كنتَ جاهلاً * ويأتيكَ بالأخبارِ من لم تزوِّدِ
هذا ان كنت فعلا ليس من خلايا المتامر الواطى
وان كنت منهم ستتحمل الذنوب معهم والحساب معهم
ياخى انتو شعب غريب عندكم جنس حب استطلاع وحسد اعوذ باللة الجل عاوز يرجع يعيش فى بلدو وسط ناسو واهلو وكمان ربنا اكرمو بوزارة المفروض تقيفوا معاهو وتشدوا من ازرو اعوذ بالله من الحسد ارسلوا له التهانى واقيفوا جمبو وتمنوا ان ربنا يوفقو ……. اعوذ بالله منكم
دى الخدمة ولا بلاش هييييييييييييييييييييع أبو شنب – شكلك دا تمرق الحرامى من السجن عشان يلبع ويصلح وضعيتو المهببة
وكت راتبو 500 مليون في قطر ما يخلي الغرصة بتاعت ال 20 مليون لي اي واحد من المحامين الموجودين في السودان
(وزير العدل يتنازل عن (500) مليون ليعمل بمرتب (20) مليون فقط)ههههههههه! ناس الراكوبة فاهمين كل حاجة بس عاوزين يستخرجواالتعليقات من القراء! 500 مليون رشوة دقة واحدة من عبد الله حسن أحمد البشير لوزيرالعدل ليغض الطرف عن مشروع معين تكفي وزير العدل المسطح من عمل شهر وتأكد إنو ممكن يلقى رشوة مليار دولار كاملة في أقل من شهر من ود المأمون ومعاه حفنة من الكيزان لتمرير بعض المشاريع الوهمية برضو! بكره حتسمعوا إنو وزيرالعدل معزوم عشاء عند ود المأمون .. وكرار التهامي! وما أدراك ما كرارالتهامي الذي فرض على المغتربين أتاوة يأخذ ربعها بأكمله ويعطي كل عسكري 110 جنيه … نعم مائة وعشرة جنيهات فقط وليست ألف ومائة جنيه، حافز … بينما يأخذ كرار التهامي ربع الإيرادات كلها! أها زي كرار التهامي ده ما ممكن يدفع 250 مليون لوزير عدل الغفلة ده برضو؟ وزير العدل نفسه ممكن يرسل لكل فاسد من الكيزان يقول ليهو : أها تدفع أو أعمل عليك شريف! ههههههههههههه!
لاتعليق
هل يصدق أحدا من (السودانيين الشرفاء) بان سودانيا ما يعمل مع كلاب الالغاز المحتلين البلد منذ 28 سنة وهو ليس من طينتهم او خلاياهم المجمدة الى حين الانتفاع منها …. رجاء (مايخمنا مخلوق) بانه شارك لدفع ضريبة الوطن … وينو هو الوطن
الى مستوز اللاعدل الجديد… وقالوا الجديد شديد … ونحن عندنا راى في الزول أبو (شنبا كبير (كليقة) بكون دائما … كضااااب
* انت كمستوز عدل عليك بالتالى ::
1- بحث موضوع طه الجاسوس المدسوس فورا وعاجلا لانه تسبب في مرض البشكير بمجموعة من الامراض النفسية المعقدة والنادرة
2- بحث موضوع البشكير والجنائية – برئ /مدان ؟؟
3- بحث موضوع قتل شهداء 13 سبتمبر – الخطة أ و ب ؟؟
4- إعادة محاكمة محمد حاتم سليمان؟؟
5- إعادة النظر وإعادة محاكمة المتحللين ( المنحلين) ؟؟؟
6- افلااغ السجون والمعتقلات المعروفة مكانيا من الموقوفين ظلما او العمل على محاكمتهم فور .. برئ/مدان
***عليه لو نجحت في تحريك سطر واحد من مساجلات ومدونات ال 6 فانت لست بكوز مجمد لحين التسييح
*********** نحن في الانتظار*************
اظنه رجل وطني وعاوز يخدم بلده
اللخو عاوز يضيف لقب وزير سابق فى سيرته الذاتية حتى يزيد من راتيه فى المرحلة اللاحقة بعد يطردوهو من وزارة العدل ..
يا اخوانا دائما شغل بتاع كيزان في بعضهم.ادخلكم شنو؟
يا اخوانا دائما شغل بتاع كيزان في بعضهم.ادخلكم شنو؟
ياجماعه الخير كفاية حسد وترصد على الأقل دى جامعة أمريكية وأفضل بكتير من جامعاتنا المتدنية مستوياتها لهجرة الاساتزة عايزين نكون شوية اجابيين مش طوالى نتعامل بسلبية مشكلتنا فى السودان محترفين نقد فقط
خدمة بلده يقصد ارتريا الوطن الام ام السودان الوطن البديل
البني عامر نزحوا من ارتريا الي السودان وهم اهلنا وحبايبنا.
رسالة منى الى وزبر العدل ود جميل
**** انت صرت الان مسؤول امام الله اولا واخيرا (ولا اقول عمر البشكير لان ليس اهلا لذلك
**** د.مضوى الاستاذ بجامعة الخرطوم يحاكمه محمد عطا تحت مواد تتعلق بالخيانة للوطن؟؟؟
**** هل تعمل انت على محاكمة “الجاسوس السعودى” طه (الجعلتى) بالخيانة للوطن وعرابه البشكير؟؟؟؟
ننتظر الاجابة….مع العلم بانى سانتظر الى ماشاء الله
اين العدل ياوزير العدل .
الخوف تكون دي مقدمة عشان الكيزان يدوه مرتب ومخصصات قدر الضربة قصدي رشاوي عشان يسكت وما يحرك القضايا الكبيرة اللي ليها سنين محلك سر