عواسـة

والله الشعب السودانى مسكين جدا سلط الله عليه حكاما شرسين ومابشبعوا كلو كلو
حتى بعد الانفصال احتمال ياكلونا نحن وبى سنونهم لانو ما حا يكون فى قروش بترول ياكلوها زاتو

والله ده من بيت الكلاوى يا باشا (طبعا الكلاوى دى ما بتذكر اخر مره اكلتها متين ربنا يجيب العيد وتلقى حق الخروف ) اقترح ان يرسل هذا المقال مباشره للسيد الوزير ومن معه من مستشارين حتى يقراء عليهم مع عصير الصباح او فى اثناء حمام الجاكوزى يمكن يطمم بطنو لو عندو حبة احساس ….الجاكوزى اليكسر راسو وراسو ريئسو ذاتو قادر يا كريم….قلت لى تقشفو ..قول لو اريتك بالقشه التدخل لك فى مخك وتنشل يارب

حظك ياعوضية أبو الناجى بى لحمو ودمو يتسمك عندك والله دى دعاية كاربة ليك حقو تدفعى لى ناس الراكوبة كم وجبة كدة بس عليكم الله ياناس الراكوبة تكلمونى بمواعيد الفطور وايميلى معاكم ،والكسرة على انا سمك بالكسرة كيتن للوزير

حينما تصدر بطن الخليفه الطاهر الصحابي الجليل عمر بن الخطاب ذلك الصوت المعبر عن خواء الامعاء 00 يرد عليها رضي الله عنه بالقول 00 تريدين السمن لن تذوقي السمن حتى يشبع الناس

كلامك صح…ياخي الوضع الفي بلدنا ده فات "الفساد" بيغاااادي ..(هنا عندنا رئيس الوزراء بيركب المواصلات العامه..!!!!)…المفروض انو الجماعه "المتحكمين" فينا ديل يتم تجريدهم من اي امتيازات عشان يحسو شويه بالمصايب البيعيشا الشعب كل يوم…بس "ماظنيت" انو ده ممكن يحصل ابدا …لانو ديل عالم ما بتحس ولا بتشعر اطلاقا….لكن قول ليهم "ما دوامه" ….وحايجي يوم تطروشو فيهو كل اللقفتوهو…يا (….)
قال "انقاذ" قال..!!!!!!!!
قرف يقرفكم .

حدثت لي هذه القصة في احد مساجد ولاية الخرطوم اذ ذكر خطيب الجمعة في معرض تذكيره بالاخرة ان الناس نسوا الاخرة واقبلو على الدنيا وصاروا ياكلون الطيبات (الرز والفاصوليا) اي والله – اها الناس تتقشف اكتر من كدا كيف

يا اخوانه خلوهم ياكلو مال الحرام و اوعكم تنبهوهم عشان بعدين ربنا يطلع دينهم
قال اخوان مسلمين و بيعرفو الله ههههههههها
الله يجيب اليوم داك:mad:

يا وزير الماليه متى عرف الشعب السودانى البترول
وماهو مدى استفادة المواطن المسكين منه
هّذا الكلام سوف يوثر على السادة المسولين اما المواطن فهو عايش فى وجود البترول او عدم وجوده على الوزير ان يبحث عن بدايل لزياده دخله هو
كل الشعب السودانى الغلبان متربى بالكسره وليس الشعب من عينتكم

خبر عاااجل ….ننوه ركاب الرحلة) 2010) المتجه للاخرة ان يشدوا الاحزمة ويكربو كرب تمام دا ما خوفا علي سلامتم دا لانو هم كدا كدا ماشين التوج … هذا الخبر اكده وزير الماية اي وزير المالية مالكم بتعاينو لي كدا قايلني غلطان لا انا متاكد المكضبني كدي شوفوا في وزير واحد متخصص في وزارتو … وزارة الداخلية باشمهندس ..الدفاع شرطة وا وا الخ الخ رائسة الجمهورية زاتا الرئيس عسكري؟؟ بلدنا بلد العجايب:mad: 😡 😡 تقولي كسرة كان بقت علي الكسره هينة الله يستر من حاجات تانية حامياني:mad: 😡

الكيزان مش يعوسنا ديل يكوجنونا ويخمرونا ويفرمونا ويفركونا وكان فضل فينا شىء يرمونا لكلابهم

ما قراته ذكرني … بماري انطوانيت …مافي خبز طيب اكلو جاتوه ….. مع العلم ان 80 % من الشعب السوداني لم يسمع بالجاتوه

العواسة من عاس يعوس عوسا وهو عايس…….. كما يقال يعوس الله فيك بعوسو ………. والجماعةعاسوا فينا بعوسهم وبرضو عايزين يعوسوا تاني وثالث ورابع……… الله يستر.

ارجو ان يبدا (السيد) وزير المالية باهل بيته اولا ويصبح قدوة للمواطنين فى التقشف والكف عن تشييد المنازل ذات الطوابق لزوجاته المتعددات وانشاء المنظمات (الخيريات) لصالح زوجاته المصونات

مفروكة بامية

المكونات بصلتين حجم متوسط
لحمة مع عظم
بامية
بهارات ملم فلفل شطة كسبرة توم
شمار اخضر (شبت) وشطة خضراء
قليل من البصل
الطريقة
طبعا اكيد بتعرفوها لكن دى اسهل شويه
نضع كمية قلبلة من الزيت فى الحلة على النار ونضيف اليها البصل بعد تقطيعة شرائح
ونضيف اللحمة والبهارات وكمية من الماء
ونتركها حتى تستوى اللحمة وبعد ذلك نطلع اللحمة من الشوربة ونضيف اليها البامية
بعد تقطيعها وغسلها وتضاف اليها الشبت وقرن شطة خضراء
وتترك على النار لمدة بسيطه ( ويمكن لمس البامية اذا اصبحت لينه او مستوية )
وبعدها تفرك بالمفراكة ويراعى ان لاتترك قترة كتيرة على النار حتى لا تفقد لونها
الاخضر ونضيف اليها اللحمة فى النهاية او يمكن تحمير اللحمة وتكون طبق لوحدها
وتؤكل بالكسرة يا سلاااام لو كانت الصينية في الراكوبة مع الخوان والاحباب

ياود جبرا عرف انا محاسب وبستغرب من التصريح للوزير لانو مو وزير عادي ده وزير ماليه يعني مفروض بعرف حسابات وبحسبه بسيطه مستحيل السوداني الغلبان يعوس كسره لانو تكلفه العواسه اصبحت عاليه لذلك الفقير بياكل خبز لانو ما عندو حق الغاز وحق الذرة والخميره وغيرها لذلك تركنا الكسره وبفلوسنا البسيطه بناكل خبز وكلمو وزير المالية ده وقولو ليهو احسبها صاح وهو لو بحسبها صاح كان وزارة المالية حالها انصلح

والله بصراحة ، فعلا هؤلاء لايعلمون كثيرا عن من يحكمون ـ بدليل التصريحات بالرجوع
لأكل الكسرة ، وكما قال قبله زميلا له ارفع منه مكان في احدى جولاته وللاسف داخل
العاصمة [ قال والله ماكنت قائل انو في ناس فقراء مثل مااري الان ] بالله عليكم ماذا نقول لهم غير انهم يعيشون في كوكب اخر ، وللاسف نسوا حالهم قبل
ان يستولوا على حق كل الشعب السوداني لحظه العاسر في جنح الظلام في ذلك اليوم الغابر30 يونيو .
المهم انو الشعب السوداني اغلبيته اغبش او أغبر : [ ورب اغبر لو دعا الله لإستجاب له ]
واكيد اصابتهم الدعوة والعياذ بالله من دعوة المظلوم وإن كان كافرا فما بال المؤمن .

كسرة :
والله ضحكت كثيرا لتسمية بعض المعلقين باسم ( سيك سيك . وانا بكملها بـــ :
( معلق فيك ) ( بضم الميم ، وفتح العين ، وتشديد اللام ) وناوي أغير اسمي الحركي
بـــ ( سيك سيك معلق فيك ) بعد الاذن منه .

😎 😎 😎 😉 😉 😉

اسأل الله الكريم يورينى فيكم يوم يا كيزان يا أوسخ وأعفن من اليهود والخنازير والله الليله كنت بتصفح حريده الصدى لقيت خبر صرف الاتحاد العام على الاجتماع الواحد 20 مليون بالقديم دا اصلوا اجتاع شنو ده وفى ناس مالاقيه حق العلاج والاكل والتعليم الله لاتكسبكم لا دنيا ولا اخره

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
????????????????????????????????????????????????
????????????????????????????????????????????????
????????????????????????????????????????????????
da hal al sudan
wa alhamd le allah

ماعندك مانع يامجروح لأننا كلنا مجروحين من جهة واحدة ولا أيه رأيك؟

الوزير ده كان يقول للناس خلو الاكل ولا كان يقوليهم البياكل خبر ياكل كسرة والبياكل كسرة ماياكل

حسبنا الله ونعم الوكيل في هذه الحكومة التي جعلت من الشعب السوداني من اميز الشعوب في فن السرقات والشحدات والحرمنة يا وزير المالية انت يعني ما عارف انو في استفتاء وانو الجنوبيين ديل حينفصلوا بعد ما ضاقوا الامرين منكم والله شعب الجنوب بختو قادر يقول كلمتو وينفصل نحنا البفصلنا من الكيزان ديل منو,. ياخ ديل بعد ما ضايقونا في معايشنا ما باقي ليهم الا كمان يدفعونا قصاد الهواء البنتنفسوا دا وبرضو تقول لي نرجع للكسرة هي الكسرة دي ما دايرة ليها ملاح؟!!! وكيلو اللحمة قبل الانفصال ب20000 جنيه اتقوا الله فينا شوية وقللوا من المنصرفات حقتكم دي قروش البلد الاصلا انتو ناهبنها دي ما جايبينها من بيوت ابوكم.

يامجروح أقترح عليك تسمي نفسك ( معلق فيك ) عشان نكمل بعض ونجعل الوحدة جاذبة أيه رأيك؟………… وبقية المعلقين نخليهم بعيد زي أحزاب المعارضة.

العواسة دي أصلوها لينا أول شئ…………….

شعب يستاهل أكتر من كدة راضى بأى قرار يتخذه هؤلاء المهوسون والادهى من ذلك أنه فى ناس مالاقية تاكل وبتأيد البشير ….وتدافع عنه بشدة شعب محتاج لاخضاعه لدراسة نفسية والحالة دى حصلت بعد الانقاذ حليل أكتوبر وجيل أكتوبر.. (واحد من جيل أكتوبر معتل الصحة)

خلاص استوردون لنا كسرة من الصين وعواسات صناعة صينية وخايف اسع كوز يمشىء الصين ويفكر فى المشروع ده وكم اعلان وكم تكبيرة كده تجد الكسرة الصينية غرقت البلد اصلو الصينين ديل تديهم الفكرة وهم بنفذون ليك الطلبية وياعم جبرة انت اول توكيل للكسرة الصينية بالخرطوم على الاقل تصلح صالون ناس سامى وتشترى بلاط وتهب للحياة بدل عربيتك البتكورك كان طلعت فى درابه فى الشارع واى زول عايز توكيل كسرة صينية يستلم الارنيك من جبرة ويدفع عشرة دولار كاش
ملحوظة/عم جبرة غير مقيد بقبول او رفض اى عطاء اخر

يا جماعة هذة ابتلاات من اللة في فساد حكامنا
نصيحتي ان تصبروا وتفوضوا امركم للة . لان اللة اكبر منهم جميعا
ولا تنسوا يا اخواننا بان الحرام يذهب من حيث ما اتى . وحقنا نحن كشعب مقلووووووب على امرو عند اللة .

( اذا اي مسؤل سوداني اخذ جنية من مال الدولة من غير وجة حق اسال اللة القوي الجبار ان يشوف حقي في زرياتهم )