اخيرآ وبعد 24 عامآ من السكوت: نطق بكري حسن صالح!!

صمت دهرا ونطق كفرا

كاتب المقال متناقض في كثير مما أورده في مقاله!!!

قال (من كان يصدق ان “بكوري” يطلع فصيح ويجيد لغة سيبويه!!)
ثم قال لاحقاً (لقد فضح نفسه بنفسه من خلال كلامه واثبت انه غير مثقف، ولا يجادل بالتي هي احسن!!)

و قال الكاتب أيضاً أن بكري لا يتكلم للإعلام، و يعرف ببكري الغامض و غيرها من الألقاب، و ختم مقاله بأن ما قاله بكري في المدينة المنورة يعد سقطة بجانب سقطاته التي لاتحص ولاتعد!!!
دي كيف دي؟؟
و معروف السقطات بتحصل للناس الثرثارين!!!

لماذا لم يتدخل بكري حسن صالح والذي كان عضوآ ب(المجلس العسكري العالي لثورة الأنقاذ) في عام 1989 (لأنقاذ)!! الطالب مجدي محجوب، وهو يعرف تمامآ ان اعتقال مجدي لم يتم الا للإستيلاء علي اموال الاسرة?!!

ولماذا لم يتدخل ايضآ لانقاذ حياة الطيار مجدي…والطالب اركانجلو?!!

يا ديك العدّه تُقابة البشد الحيل تقطّع رسمة النون المؤنثه تفكّر زين
في كضبك تعيش
في زيفك أقيف
بي كضبك تكوضم لُقمة الجيعان رغيف
بالكضب والفساد الماليهو دين
عايش حزين
آسف عديل
نايم حرير في الدنيا أُم ضنب
في الزفت الوهم
في حزن الحياة الماليها زيف … أنا شان بقولك يا البدق الطار يكضّب كلمة النعّار

أنا يا اني أنا اللاخليفة المسلمين ولا حاكم بإسم الدين
أنا كوز سفيه ،، راجل عوير
واطي و حقير ،، زنديق كبير
وكضااب بكضب شان أعيش ،، مسكين
كتير … من ود غفير وبقيت مٰدير
بس بكورك في المسير
سير سير يا بشير
مبدأ حياتي :
البشير يسير ،، شان ما نطير
زولاً وضيع ما خفت من رب العباد كيفن أخاف من ظلم العبيد
أنا ود حسن ،، والدني حسن ،، والجابني حسن ،، وشلت الحسن ،، سيدي الحسن بس الحسن في سنة الرماده سنة تلاته وأربعين ما إتوسد الحيطه وكفاكم شرّي وجيت لي عذابكم
وكمان بشكر الوالد كتييير ،،، جابني بي راساً كبييييير

راسي الكبييير مليان جنس كضب كتييير
وأخواني الشغل غير المقص وحلاقة الشعر التقيل شن جاب القروش غير المقصات والبلف
راجل سفيه
راجل جلف
راقد مدوقس ياكل ينعلف شان يكضب جديد

أخـوي الحـبوب،
The Same – زي سيـم،
(أ)-
تحياتي ومودتي الطيبة، وسعدت بالزيارة الميمونة، اما بخصوص تعليقك الكريم ووجود تناقضات بالمقال، فكل الحقائق تقول ان بكري والمشهور بالصمت قد نطق وتكلم عندما التقي ببعض السودانيين وطلع “كلام”!! بخلاف مايعرف عنه..ولكن ومن خلال كلامه اللامقبول اثبت انه غير مثقف، ولا يجادل بالتي هي احسن!!….وين التناقض ياأخي زي سيـم? !!

(ب)-

ونواصل مع جريدة (القوات المسلحة)، والتي نشرت في يوم 2 يوليو 1989 قرار مجلس الثورة (رقم 10) وهاكم نصه:
—————————-
اصدر مجلس قيادة ثورة الانقاذ القرار الأتي نصه:
تشكيل اربعة لجان علي النحو الأتي:
1- لجنة الأمن والعمليات،
2- لجنة الأعلام،
3- اللجنة السياسية،
4- اللجنة الاقتصادية.

1- لجنة الأمن والعمليات.
***************
1- عميد الزبير محمد صالح، (رئيسآ).
2- نائب رئيس الاركان للعمليات، (عضـوآ).
3- عميد ابراهيم نايل ايدام، (عضـوآ).
4- مقدم اركانحرب بكري حسن صالح. (عضـوآ).

2- لجنة الأعلام.
**************
1- عقيد اركانحرب سليمان محمد سليمان، (رئيسآ).
2- عقيد محـمود قلندر، (عضـوآ).
3- عقيد اركانحرب احمد طه محمد الحسن، (عضـوآ).
4- الاستاذ عبدالله جلاب،وزارة الثقافة والاعلام، (عضـوآ).
5- الاستاذ محمد سليمان، الهيئة القومية للاذاعة والتلفزيون. (عضـوآ).

3- اللجنة السياسية:
*******************
1- عميد عثمان محمـد الحسن، (رئيسآ).
2- عقيد مارتن ملوال ارو، (عضـوآ).
3- مقدم اركانحرب محمد الأمين خليفة. (عضـوآ).

4- اللجنة الاقتصادية:
***************
1- عقيد بحري اركانحرب صلاح الدين محمد احمد كرار، (رئيسآ).
2- عميد دكتور بابكر محمـد التوم، (عضـوآ).
3- مندوب من وزارة المالية والتخـطيط، (عضـوآ).
4- مندوب بنك السودان. (عضـوآ).

(ج)-
***- في عام 1989 وتمامآ بعد نجاح الانقلاب تم تعيين مقدم اركانحرب بكري حسن صالح. (عضـوآ) باللجنة الأمنية التي شكلها مجلس قيادة ثورة الانقاذ، وتمامآ بعد تشكيلها وقعت حوادث دامية بجامعة الخرطوم واغتيالات طلاب ديموقراطيين بايدي طلاب اسلاميين متطرفيين، ولكن مع الاسف الشديد رفضت هذه اللجنة والتي بكري حسن صالح عضوآ فيها التدخل لحماية الطلاب من التطرف الاسلامي…سكت بكري تمامآ عن اعتقال وتعذيب الشهيد علي فضل…التاية…فيصل…. مجدي…بطرس … اركانجلو …واستمر في سكوته عن كل مايجري من اغتيالات وتعذيب واعتقالات تعسفية بلا مبرر منذ ذلك التاريخ القديم وحتي اليوم!!

في الختام وبعد المجاهدات بكري حسن صالح نائب الامين العام للحركة الاسلامية هههههههه هههههههههههههها،،،، أظن الترابي ذاتو مستغرب دي فاتت عليهو كيف وفلتت من ذكاءه كيف،،، يا جماعة دحين الاسلام ده لو قام في شكل زول ونضم واتكلم مش حا تكون فضيحتنا بي جلاجل في السووهو فيهو ناس الانقاص ،،،، بكري حسن صالح نائب الأمين العام للحركة الاسلامية ،،، هههههه ههههه والله محن آخر زمن ،،، ما هي المواصفات وما هي المقاييس ،،،، أرشحه لمنصب الأمين العام للحركة الاسلامية ،،،، فعلا آخر البليلة حصحاص ،،،، اذا كانت الاختيارات كذلك فانا الفقير الى الله اطالب بمنصب ( صحابي جليل)) في زمن القنابير ،،،،

كلامه صاح 100% يعني دايرين تقنعو نفسكم بي كلام غير دة. البلد دي غرقت يا اخوانا خلاص بعد ده الا تنزل عليها رحمة قاعد الما بتواعد, غير كده مستحيل اجي واحد احكمها بما يرضي الله وطول مافي ناس خلقوا ليعترضوا البلد دي عمرها ما ح تتقدم والمصيبة فوق دة كله نحنا المواطنين مامتفقين والصاح منو ما معرف كلو واحد عامل فيها هو الصاح ويشرع حسب مزاجه!!!!!!

بكري حسن صالح …..الوزير الاخرس

يا استاذ بكري فلنحمد الله علي نطق بكري صالح لانو حيديكم الحقايق والاسرار سخنه من الفرن بعد ما يولع فرنه اااقصد(سيجارته) تحت الشجره المعروفه في القصر.

يا متجهجه دحين انتي راجل ولا مره ، صحابيه ولا صحابي عموما انتي / انت وتعليقاتك عسل .ضحكتيني .